Al-Shati kanpamentua

Al-Shati kanpamentua
	Palestinian refugee camp (en)
	Irudi gehiago
Administrazioa
Estatu burujabe	Palestina
Mendeko lurralde	Gazako lur zerrenda
Palestina Estatuko lurralde-antolaketa	Gazako Gobernazioa
Geografia
Koordenatuak	31°31′56″N 34°26′43″E / 31.532197°N 34.445394°E
Azalera	0,52 km²
Altuera	20 m
Mugakideak	Sheikh Radwan (en) , Rimal (en) eta Nasser, Gaza (en)
Demografia
Biztanleria	78.800 (2011)
Dentsitatea	151.538 bizt/km²
Informazio gehigarria
Sorrera	1949
Ordu eremua	UTC+02:00 eta UTC+03:00

Al-Shatiko errefuxiatu-kanpamentua (arabieraz: مخيّم الشاطئ‎, baita ere eta Hondartza kanpamentu gisa ezaguna, Gazako Zerrendaren iparraldean dagoen errefuxiatu palestinarren kanpamentua da, Gazako Gobernazioaren Mediterraneoko kostaldearen parean, eta zehazkiago Gazako hirian. Kanpamentuaren azalera osoa 0,727 kilometro karratukoa baino ez da.^[1]

Historia

Al-Shati kanpamentua 1948an sortu zen, Jaffa, Lod eta Beersheba hirietatik eta inguruko herri eta herrixketatik ihesi zihoazen 23.000 palestinar ingururentzat, Nakban bitartean.

1971n, Israelgo agintariek, segurtasun-arrazoiengatik errepideak zabaltzeko, 2.000 etxebizitza baino gehiago eraitsi zituzten. 8.000 errefuxiatuk kanpalekua utzi behar izan zuten Sheikh Radwan hirigintza-proiektura bidean, Gaza hirian.^[2]

Biztanleria

Palestinako Estatistiken Bulego Nagusiaren (PCBS) arabera, Al-Shatik 87.158 biztanle zituen 2006. urtearen erdialdean, eta Ekialde Hurbileko Palestinako Errefuxiatuentzako Nazio Batuen Agentziak (UNRWA) 82.009 errefuxiatu erregistratu zituen 2013ko maiatzean. Al-Shati Gazako Zerrendako hirugarren errefuxiatu-kanpamenturik handiena da, eta munduko biztanle gehien dituen eremuetako bat.

Ekonomia

2000ko iraila baino lehen, Israelek Gazako Zerrendaren blokeoa ezarri zuenean Bigarren Intifadaren ondorioz, Al-Shatiko langile gehienak peoiak ziren Israelen edo nekazaritzan lan egiten zuten. Gaur egun, errefuxiatu batzuek joskintzako lantegi eta tailerretan lan egiten dute. Kanpamentuko 2.453 familietatik asko, bizibide gisa, arrantzaren mende daude. Hala ere, Israelgo itsas armadak kostaldetik 6 itsas miliatara arrantzatzeko ezarri duen debekuak bizibide asko suntsitu eta pobrezia areagotu du.^[3]

Al-Shati pertsonak

Ismail Haniya, Hamas erakundeko burua eta, de facto, Palestinako Aginte Nazionaleko lehen ministroa.
Rashid Masharawi, zinegilea.
Said Seyam, Gazan egoitza duen Palestinako Aginte Nazionaleko Barne ministroa. Eraila izan zen.
Yasser Elshantaf, Alemanian bizi den negozio-gizona.

Erreferentziak

Ikus, gainera

Al-Shati errefuxiatuen kanpamentuaren bonbardaketa

Kanpo estekak

Datuak: Q2829277
Multimedia: Al-Shati Camp / Q2829277

[1] ttps://unrwa.es/?option=com_content&view=article&id=189&Itemid=509

[2] ttps://web.archive.org/web/20120216020001/http://www.badil.org/Publications/badil-nakba-60-info-packet/maps/population-camps-2007.pdf

[3] ttps://www.unrwa.org/where-we-work/gaza-strip/beach-camp

[1]

[2]

[3]